Vlorë, Vlorë

Të dhënat kryesore

Rreth kësaj prone

Në një nga zonat me potencialin më të lartë turistik dhe zhvillimor në Orikum, shumë pranë portit të jahteve, ofrohet për shitje një apartament 1+1 në një rezidencë të re moderne që sapo ka nisur ndërtimin dhe premton të jetë një nga projektet më elitare të zonës. Rezidenca është konceptuar me standarde të larta ndërtimi dhe arkitekturë bashkëkohore, duke përfshirë në kompleksin e saj një hotel cilësor dhe një pishinë të madhe relaksi për banorët dhe pushuesit. Ky projekt i ri, i pozicionuar buzë rrugës nacionale RadhimëOrikum, ofron akses të menjëhershëm dhe një kombinim perfekt mes qetësisë dhe afërsisë me detin, duke e bërë një zgjedhje ideale si për banim ashtu edhe për investim afatgjatë. Përfundimi i rezidencës parashikohet brenda 3 viteve, çka e bën këtë një mundësi shumë të mirë për të hyrë në treg në fazë të hershme me çmim të favorshëm. Apartamenti ka një sipërfaqe totale prej 68.81 m² dhe është organizuar në mënyrë shumë funksionale. Ai përbëhet nga një sallon i bollshëm së bashku me kuzhinën, duke krijuar një ambient të hapur dhe të ndriçuar natyralisht, një dhomë gjumi komode, një tualet dhe një ballkon të aksesueshëm si nga salloni ashtu edhe nga dhoma e gjumit një detaj shumë i kërkuar që rrit ndjeshëm komoditetin dhe cilësinë e jetesës. Apartamenti ndodhet në katin e 4-të, duke ofruar një perspektivë të këndshme dhe privatësi. Një nga avantazhet kryesore të kësaj prone është çmimi tepër konkurrues: vetëm 1900euro/m², një ofertë reale okazion në krahasim me tregun aktual të zonës ku çmimet variojnë nga 2500€/m² e sipër. Kjo diferencë e ndjeshme vjen si rezultat i kushtit për pagesë të plotë, duke e bërë këtë një mundësi shumë të favorshme për investitorët që kërkojnë fitim të sigurt dhe rritje vlere në të ardhmen. Zona e Orikumit është në zhvillim të shpejtë, sidomos falë investimeve në turizëm dhe infrastrukturë, si dhe afërsisë me destinacione të njohura si Karaburun,ishulli i Sazanit apo distanca vetem 30 min larg nga Dhermiu, duke e bërë këtë pronë edhe më tërheqëse për qira ditore apo sezonale. Nëse jeni duke kërkuar një apartament me potencial të lartë fitimi, në një zonë në rritje dhe brenda një projekti cilësor, kjo është një mundësi që nuk duhet humbur. Për më tepër informacion ose për të organizuar një vizitë në pronë, ju lutem kontaktoni.